СЫРДАРИЯ АУДАНЫНДА ҚАЙЫРЫМДЫЛЫҚ ШАРАСЫ ҰЙЫМДАСТЫРЫЛДЫ
"16 желтоқсан – Тәуелсіздік күні" мемлекеттік мерекесі қарсаңында Сырдария ауданына қарасты Жетікөл ауылында қайырымдылық шарасы ұйымдастырылды, деп хабарлайды аудан әкімдігінің баспасөз қызметі.
Әлеуметтік аз қамтамасыз етілген отбасы мүшелеріне, жалғызбасты қарияларға, мүмкіндігі шектеулі азаматтарға күнделікті тұрмыста қажет азық-түліктер берілген игі іс-шараға ауыл әкімі Ж.Қожахметов қатысып, аудан әкімінің атынан тұрғындарды мерейлі мерекемен құттықтады.
Өз кезегінде мемлекет тарапынан көрсетіліп жатқан әлеуметтік қолдауларды сезініп, қайырымдылық шарасының шарапатын көрген азаматтар ұйымдастырушыларға алғыстарын айтты.
