«СЫР ЖАНАШЫРЫ» НОМИНАЦИЯСЫ ТАПСЫРЫЛДЫ
Бүгін облыс орталығындағы «Сұлтан Плаза» кешенінде Елбасының «Болашаққа бағдар: Рухани жаңғыру» бағдарламалық мақаласы аясында өткен «Туған жерге тағзым» акциясында елге жанашыр іскер азаматтар марапатталды.
Акцияда облыс әкімі Қ.Көшербаев аймақта елдің рухани-әлеуметтік дамуына үлес қосып жүрген азаматтарға алғыс айтып, оларға «Сыр жанашыры» номинациясын табыс етті.
Елге танытқан қамқорлықтары үшін марапат иеленгендердің қатарында экономика ғылымдарының докторы, ҚР ҰҒА академигі, «Боашақ» университетінің ғылыми жетекшісі Б.Досмамбетов, «Бақыт» ЖШС жетекшісі А.Ерхатов, «Нұрай» ЖШС директоры С.Алшынбаев, «Мағжан и К» компаниясының жетекшісі М.Ералиев, «Жаңақорған шипажайы» басшысының кеңесшісі А.Абдуллаев, «Ақжарма-2» ШҚ төрағасы М.Бисенов, «Тілеп» ЖШС директоры И.Тілеп, «Нұр-Талап» серіктестігінің басшысы Қ.Керейтбаев, «Жаңажол» ШҚ төрағасы О.Тілепов, «Бест-Сервис» ЖШС жетекшісі А.Махамбетов, «Дархан» ЖШС директоры А.Сәдуақасова, жеке кәсіпкер Б.Сейітова, «Абзал и К» компаниясының жетекшісі М.Сәрсенбаев, ауыр атлетикадан әлемнің төрт дүркін чемпионы И.Ильин, «Ұлттық ғылыми кардиохирургия орталығы» АҚ төрағасы Ю.Пя мен Сызғанов атындағы Ұлттық-ғылыми орталығының директоры Болатбек Баймаханов бар.
