Жалағашта жаңа мешіт бой көтерді (ФОТО)
Kyzylorda-news.kz. Жалағаш ауданы, Мырзабай ахун атындағы ауылда жаңа мешіт ашылды.
Мешіттің ашылу салтанатында ҚМДБ-ның Қызылорда облысы бойынша өкілі Болатбек Әбуов, аудандық ардагерлер кеңесінің төрағасы Садық Әлиев, Мырзабай ахун ауылдық ардагерлер кеңесінің төрағасы Қасым Кәрімбаев сөз алып, xалқымызды имандылыққа тәрбиелеуде мешіттің алар орны ерекше екендігін атап өтті.
100 адамға шақталған мешіт құрылысы мамыр айында басталған.
Жеке кәсіпкер, "Әділет" студиясының директоры Әділет Байнашевтың демеушілігімен салынған. Жиылған жамағат ел игілігіне берілген жаңа мешіт ауыл халқының рухани азық алып, жастарды имани жолға тәрбиелейтін құтты орынға айналарына сеніміді.
Өз кезегінде, ауыл жастары демеуші кәсіпкерге ат мінгізіп, шапан жапты.
