Сыр Медиа

    Арал ауданы Ерімбетжаға елді мекенінде салынған мешітінің ашалу салтанатына «Нұр Отан партиясының Қызылорда облыстық филиалы төрағасының бірінші орынбасары Ибадулла Құттықожаев қатысып, жаңадан бой көтерген мешітке Құран кітабын табыс етті.

    Сонымен қатар, Қызылорда қаласы «Нұр» мешітінің имамы Марат Үркімбаев жиналған қауымға ізгі лебізін білдіріп, мешіттің салынуына ерекше үлес қосқан Қуандық Әлімқожаұлына арнайы «Алғыс хат» табыстап, шапан жапты.

    Аудандық ардагерлер кеңесінің төрағасы Кішкене Айбосынов «Имандылық үйінің ашылуы – ауыл жастарының имандылыққа бет бұруы үшін жасалған игі қадам. Ауданымызда осындай маңызды шаралар жалғасын таба берсін»- деп ауыл тұрғындарының қуанышының көбеюіне тілектестігін білдірді.

    Жаңа мешіт ауыл тұрғындарының ауызбіршілік танытып, асарлатып, бір кісідей атсалысуының нәтижесінде бой көтерді.