Көлік апатынан 2 адам қаза тапты
Kyzylorda-news.kz. Самара-Шымкент тас жолында «Фура» жүк көлігі мен «Део Матиз» жеңіл автокөлігі соқтығысып, екі адам қаза тапты. Бұл туралы ТЖД баспасөз қызметі хабарлады.
«Оқиға орнына «Әйтеке би» күре жолдық медициналық құтқару бекетінің шұғыл әрекет ету бригадасы жеткен. Жол-көлік апатынан «Део Матиз» жеңіл автокөлігіндегі 2 адам көз жұмды. Арнайы құралдардың көмегімен трассалық медициналық құтқару бекеттің құтқарушылары қаза болғандардың мәйітін қысылған автокөліктен шығарды. Жарақат алған «Фура» жүк көлігінің жүргізушісіне алғашқы медициналық көмек көрсетілді», - делінген хабарламада.
