Қызылордада көлік қаққан адам көз жұмды
Қызылорда қаласына қарасты Махамбетов ауылында көлік қағу салдарынан бір адам қаза тапты, деп хабарлайды ҚазАқпарат.
Аталған оқиға «ВАЗ-2114» автокөлігінің қатысуымен орын алған. Жол-көлік оқиғасы бойынша Қазақстан Республикасы Қылмыстық кодексінің 345-бабының 3-бөлігімен тергеп-тексеру амалдары жүргізілуде.
«Жол-көлік оқиғасы салдарынан бір адам мерт болды. Күдікті тұлға ұсталып, тиісті сараптамалар тағайындалды. Оқиғаның басқа да мән-жайлары анықталуда», - деп мәлім етті Қызылорда облыстық полиция департаментінің баспасөз қызметі.
