Құрбан айт қарсаңында жаңа мешіт ашылды
Kyzylorda-news.kz. Қасиетті Құрбан айт мерекесі қарсаңында Жаңақорғанда жаңа мешіт ашылды.
ҚМДБ-ның Қызылорда облысы бойынша өкіл имамы Болатбек Әбуов аудан халқын мұсылмандардың ұлық мерекесі қарсаңында қатар келген қуаныштарымен құттықтап, демеуші азаматтарға алғысын білдірді.
Мешіттің лентасы салтанатты түрде қиылған соң сәулеті келіскен жаңа құтханада дүниеден өткен ата-баба рухына құран бағышталды, Алла Тағалаға мадақ айтылып, жамағатпен дұға жасалды.
Жеке кәсіпкер М.Батталовтың демеушілігімен салынған мешітте бір мезетте 200 адамға дейін құлшылық жасай алады.
