ЖАҢҒЫРУ БАҒЫТЫНДА ЖҮЙЕЛІ ЖҰМЫС БАР
Ұлттық идеологияны қалыптастырудың кілті саналатын «Болашаққа бағдар: Рухани жаңғыру» мақаласының маңызын түсіндіру бағытында да атқарылып жатқан жұмыс аз емес.
Теңізді ауданда мақаланы түсіндіру мақсатында кітапханаларда тақырыптық шолу, ой-толғау, библиографиялық шолу, дөңгелек үстелдер мен отырыстар, спорттық сайыстар және әртүрлі форматтағы іс-шаралар ұйымдастырылды.
Елбасы қазақ халқын рухани жаңғыртуға бағытталған саяси-идеологиялық мақаласы аясында жалпы 160-тан астам мәдени шара өтті. Мақаланы халыққа насихаттау мақсатында қала, кент ауылдық округтерде 31 билборд ілінді.
Мақала аясында Аманөткел елді мекенінде ақын Нұртуған Кенжеғұлұлының 130 жылдық мерейтойы, қалалық мәдениет үйінде Зейнолла Шүкіровтің 90 жылдық мерейтойына орай аймақтық ақындар айтысы, белгілі қоғам қайраткері, бұрынғы ҚазССР Балық шаруашылығы министрі Құдайберген Саржановтың 80 жасқа толуына орай мәдени шаралар өтті.
Мәдениет үйінде аудан әкімдігі және аудандық прокуратураның ұйымдастыруымен «Рухани жаңғыру жолындағы құндылықтар» атты ғылыми-тәжірибелік конференция болды.
