Еліміздегі пойыз билеттерін сататын сайт неге жабылған?
Kyzylorda-news.kz. "Қазақстан темір жолы" АҚ баспасөз қызметінің хабарлауынша, epay.railways.kz сайты bilet.railways.kz сайтының жұмысын қайталағаны үшін жабылды.
Бұдан былай компанияның bilet.railways.kz сайтында ғана электронды билеттерді тәулік бойына сатып, толық қызмет көрсетеді. Сайтта тағы бір жаңа қызмет пайда болды. Қолданушылар күту парақшасында өтінім қалдыра алады. Бұған қоса билеттер тегін броньдалады.
Компанияның баспасөз қызметі 1-ші тамыздан бастап 45 күн ішінде қолданушылар epay.railways.kz сайты арқылы бұған дейін сатып алған билеттерін кері өткізе алатынын мәлімдеді.
