ЕЛГЕ ЖАНАШЫР АЗАМАТТАР КӨП
Елбасының «Болашаққа бағдар: Рухани жаңғыру» бағдарламалық мақаласы аясында облыс орталығында өткен «Туған жерге тағзым» форумында облыс әкімі Қ.Көшербаев ел дамуына үлес қосып жүрген бір топ азаматты «Сыр жанашыры» номинациясымен марапаттаған еді. Солардың қатарында «Бақыт» ЖШС директоры Аманбай Ерхатов бар.
Ол басқаратын серіктестік бүгінде 250 адамды тұрақты жұмыспен қамтып отыр. Туған жерін түлетуге үлес қосып жүрген кәсіпкер ресейлік іскерлермен бірлесіп, Ресейдің Ульяновск облысында балық өңдеу зауытын салды.
Осының арқасында аясын кеңейткен өндіріс орнының өнімдері Мәскеу мен Санкт-Петербургтің ірі сауда орындарында сатылуда.
Ел жағдайын үнемі назарда ұстайтын кәсіп иесі «Туған жерге тағзым» акциясы аясындағы жобаларға да қаржы бөліп отыр.
