Қызылордада отбасылық «Толағай» жарысы өтті
Kyzylorda-news.kz. Қызылордада «Ұмай» мектеп жасына дейінгі балаларға арналған сауықтыру және тәрбиелеу қайырымдылық үйінің ұйымдастыруымен бронх демікпесі, қант диабеті, йод жетіспеушілік және темір тапшылығы анемиясымен сырқаттанатын балалардың өмір сүру сапасын жақсарту бағдарламасы бойынша «Толағай» отбасылық-спорттық сайысы өтті.
Шара 15 жасқа дейінгі балалар мен олардың ата-аналарынан құралған отбасылық командалар қатысты. Жарыс соңында жеңімпаздар марапатталып, барлық қатысушыларға естелік сыйлықтар тапсырылды.
Акцияның екінші бөлігінде, эстафета қатысушылары мен қонақтарға арналған «Зумба» фитнес-би курсы ұйымдастырылды. Шараға қатысушылар концерттік бағдарламаларды тамашалап, спорттық тақырыптарға бағытталған сұрақтарға жауап беріп сыйлық алды.
