9 қыркүйек: Атаулы күндер мен оқиғалар
Дүниежүзілік әдемілік күніХалықаралық Эстетика және косметология комитетінің (СИДЕСКО) бастамасы бойынша атап өтіледі.
Қазақстанда Танкистер күні
Жыл сайын қыркүйектің екінші жексенбісінде атап өтіледі. Бүгінгі таңда танк құрамалары - Қазақстан Республикасы Қарулы Күштерінің Құрлық әскерлерінің негізгі күштерінің бірі. Қазақстандықтармен қатар бұл күн Беларусь, Ресей және Украинада атап өтіледі.
1994 жылы Қазақстан Республикасының Тұңғыш Президенті Нұрсұлтан Назарбаев «Қазақстан Республикасы үкімет мүшесінің анты туралы» қаулы қабылдады.
2002 жылы Қазақстан Республикасы мен Өзбекстан Республикасы арасында қазақ-өзбек шекарасының жекелеген учаскелері туралы Келісімге қол қойылды. Құжат арқылы екі ел арасындағы шекаралар толық анықталды.
2017 жылы Елбасы Нұрсұлтан Назарбаев ЭКСПО-2017 көрмесін жоғары деңгейде өткізуге тікелей атсалысқаны үшін Халықаралық көрмелер бюросының бірінші алтын медалімен марапатталды.
