Сыр Медиа

Kyzylorda-news.kz. Жосалы кентіндегі орталық алаңында дәстүрлі денсаулық фестивалі өтті.

Шарада сөз алған аудан әкімінің орынбасары Еркебұлан Меңлібаев тұрғындарды спортпен шұғылдануға, денсаулығына сергек қарауға шақырып, ауданымызда денсаулықты сақтау саласында атқарылып жатқан жұмыстарға тоқталды.

Халықты салауатты өмір салтын сақтауға шақырған шара «Саламатты сандарға қол жеткіз!» ұранымен бастау алып, жиналғандар жаппай таңғы жаттығу жасады.

Сондай-ақ, аудан тұрғындары білікті дәрігерлер қабылдауында болып, медициналық тексеруден өтуге мүмкіндік алды.

Шарада аудандық Дене шынықтыру және спорт бөлімі спорттың бірнеше түрінен сайыстар ұйымдастырды.