Қармақшы ауданының әкімі ардагерлермен кездесті (ФОТО)
Kyzylorda-news.kz. Қармақшы ауданының әкімі Мұса Қалдарбеков Жосалы кентіндегі ардагерлермен кездесті.
Кездесуде аудандық Ардагерлер кеңесінің төрағасы Қаршыға Есдәулетов ауданда аталған кеңес атқарып жатқан жұмыстарды баяндады.
Сондай-ақ, Иса Бисенов, Пал Баймаханова, Еркін Атабаев және басқа да ардагерлер сөз алып, өздерінің ұсыныстарын жеткізді.
Аудан басшысы Мұса Оспанұлы ардагерлерге келешекте ауданымызда атқарылатын жоспарларымен бөлісті.
Кездесу соңында аудан әкімі ардагерлермен тоқсан сайын кездесіп отыратынын жеткізіп, жиынға келген қарияларға ризашылығын білдірді.
