БАЛДЫРҒАНДАР АРАСЫНДА БАЙҚАУ ӨТТІ
Елбасының «Болашаққа бағдар: Рухани жаңғыру» атты мақаласы аясында Шиелі кентіндегі «Жадыра» балабақшасында «Биік сенің мәртебең – ана тілім» тақырыбында байқау өтті. Екі бөлімнен тұратын сайыстың бірінші кезеңінде бүлдіршіндер патриоттық ән шырқаса, екінші бөлімінде тәрбиешілер туған жер, ана тіліміз туралы қара өлең оқудан сынға түсті.
Рухани жаңғыруға бағытталған байқауға бөбекжай меңгерушісі Ж.Нұртаева, әдіскер А.Бейсекеева және музыка жетекшісі Э.Сыздықова қазылық етті.
Сайыстың қорытындысы бойынша әнші балапандар түрлі номинациялармен марапатталса, келесі кезең бойынша тәрбиеші Г.Қапбарова І орынды иеленді. Сондай-ақ, ІІ орынды П.Арыстанбекова, ІІІ орынды А.Амангелдиева қанжығалады.
