Қазалылықтар жәрмеңкеде тұрмысы төмен отбасыларға көмектесті
Kyzylorda-news.kz. Қызылорда қаласында «Алтын дән – 2019» шарасы аясында Қазалы ауданының ауыл шаруашылығы өнімдерінің жәрмеңкесі өтті.
«Құлагер» мөлтек ауданында ұйымдастырылған жәрмеңкеге 47 көлікпен 15 тонна күріш, 7 тонна күріш қалдығы, 1,4 тонна ет және ет өнімдері, 6 тонна балық өнімі, 2 тонна сүт өнімдері, 0,6 тонна «Қазалы конфеті», 32 тонна бақша өнімдері, 52 тонна көкөніс өнімдері және 40 бас қой, тоқты апарылды.
Жәрмеңкеде 23 млн. теңгенің ауыл шаруашылығы өнімдері нарық бағасынан 10-15 пайыз төмен бағада сатылды.
Қазалы ауданы әкімдігінің ұйымдастыруымен тұрмысы төмен отбасыларға 500 мың теңге шамасында заттай (күріш, картоп, жуа, сәбіз) қайырымдылық көмегі көрсетілді.
Ауқымды шара аясында қазалылық өнерпаздар өнер көрсетіп, қала тұрғындарына көтеріңкі көңіл-күй сыйлады.
