Қызылордада 1400-ден астам теміржолшының құқығы қорғалды
Kyzylorda-news.kz. Қызылорда көлік прокуратурасы қадағалауды жүзеге асыру барысында «ҚТЖ – Жүк тасымалы» АҚ Қызылорда бөлімшесінде жұмысшылардың еңбек құқығы бұзылғандығын анықтады, деп хабарлайды BAQ.KZ.
Ведомствоның мәліметінше, еңбек заңнамасының және ұжымдық келісім-шарттың талаптарына қарамастан, мыңнан астам жұмысшы арнайы киіммен толықтай қамтамасыз етілмеген, сондай-ақ төрт жүзден астам жұмысшыға ашық ауада жұмыс істегені үшін жалақыларына қосымша ақы төленбеген (+35С градустан жоғары).
«Прокуратурамен қабылданған шаралар нәтижесінде жұмысшылардың құқығы толығымен қалпына келтіріліп, арнайы киімдер беріліп, төлемақылар толық мөлшерде аударылды. Сондай-ақ, «ҚТЖ – Жүк тасымалы» АҚ-на қатысты әкімшілік құқықбұзушылық туралы кодекстің 97-бабы 3-тармағы бойынша әкімшілік құқықбұзушылық туралы хаттама толтырылып, 1 млн теңге айыппұл салынды (400 АЕК)», - делінген хабарламада.
