Бизнесті қолдау бағытында үшжақты келісім жасалды
Kyzylorda-news.kz. Қызылорда облыстық прокуратурасы, «Nur Otan» партиясының облыстық филиалы және кәсіпкерлер палатасы кәсіпкерлердің құқығын қорғау бағатында іс-шаралар айқындалған өңірлік Жол картасын қабылдап, оны бірлесіп жүзеге асыру мақсатында үшжақты меморнадумға отырды.
Негізі мақсат кәсіпкерліктің дамуына кедергі келтіретін жүйелі мәселелерді анықтау, оларды шешу жолдарын қарастыру.
«Бұл жұмыстар бір жолғы акция ретінде емес, ұзақ мерзімде жүзеге асыралатын болады. Анықталған жүйелі проблеммалар ай сайын облыстық прокуратурада, «Nur Otan» партиясы облыстық филиалында немесе кәсіпкерлік палатасында талқыланатын болады», - деді облыс прокуроры Нұрлан Бижанов.
Өз кезегінде сөз алған «Nur Otan» партиясы облыстық филиалы төрағасының бірінші орынбасары Ақмарал Әлназарова «Nur Otan» партиясы өзінің Саяси доктринасында экономикалық дамудың қозғаушы күші – отандық бизнесті жан-жақты қолдайтынын атап көрсеткенін тілге тиек етіп, кәсіпкерлікке заңнамалық және саяси қорған болуды партия алдағы уақытта да атқарушы органдармен бірлесіп жүзеге асыра беретіндігін айтты.
Айта керек осы жылдың 8 айында кәсіпкерлік субъектілеріне жоспарлы тексерулер 761 ден 712-ге дейін азайған.
