23 қазан: Атаулы күндер мен оқиғалар
1965 жылы ҚР Премьер-Министрі, техника ғылымдарының кандидаты Мамин Асқар Ұзақбайұлы дүниеге келді.
1993 жылы Қазақстан, Қырғызстан және Өзбекстан басшылары Орталық Азияда Экономикалық одақ құру туралы келісімге қол қойды.
1995 жылы ірі ақпараттық медиахолдинг «Хабар» Агенттігі» АҚ-ның тарихы басталды.
Сол кезде Қазақ телевизиясының ақпараттық қызметінің негізінде заманауи жаңалық құрылымы құрылды. «Хабар» агенттігі Азия-Тынық мұхиты хабар тарату одағының (ABU), Азия-Тынық мұхиты жаңалық агенттігі ұйымының (OANA), Азия-Тынық мұхиты хабар таратуын дамыту институтының (AIBD), Еуразиялық телевизия және радио академиясының (ЕАТР) мүшесі.
2003 жылы Нұр-Сұлтанда бірінші Дүниежүзілік және дәстүрлі діндер съезі басталды
2010 жылы Астанада VII қысқы Азия ойындары эстафетасының алауы, медальдар мен төсбелгілері таныстырылды.
2014 жылы Қытай орталық телевидениесінің (CCTV) түсірілім тобы Қазақстан туралы деректі фильм түсірді.
Бес бөлімнен тұратын фильмнің әр сериясы 20 минутқа созылады. Деректі фильм «ЭКСПО-2017» халықаралық көрмесіне, Ұлы Жібек жолына, Қазақстан халқына арналды. Түсірілімнің негізгі бөлігі Қазақстанның тарихи орындарында жүргізілді.
2018 жылы Жоғарғы Соттың Сотсыз татуласу орталығын құру ұсынысы негізінде алғашқы рет Қызылорда облысында арнайы жеке ғимаратта Татуласу орталығы ашылды.
