Қызылорда облыстық білім саласындағы бақылау департаментінің басшысы тағайындалды
Kyzylorda-news.kz. Білім және ғылым министрлігі Білім және ғылым саласындағы бақылау комитетінің Қызылорда облысы бойынша білім саласындағы бақылау департаментінің басшысы қызметіне Ғалия Дәулетова тағайындалды.Ол 1971 жылы Қармақшы ауданында дүниеге келген. 1995 жылы Абай атындағы Алматы мемлекеттік университетінде тарих пәнінің оқытушысы мамандығы бойынша білім алған. 2013 жылы Президент жанындағы Мемлекеттік басқару академиясынан мемлекеттік және жергілікті баскару магистрі біліктілігі берілген.
Еңбек жолын Қазақстан Кеңесі энциклопедиясы бас редакциясының курьері ретінде бастаған. Ол бірқатар лауазымды қызмет атқарған. Атап айтқанда, Білім және ғылым министрлігінде кәсіптік-техникалық және орта білімнен кейінгі білімді жаңғырту департаменті КТ және ОБКБ қызметін үйлестіру басқармасының басшысы, техникалық және кәсіптік білім департаменті мониторинг және үйлестіру басқармасының басшысы, техникалық және кәсіптік білім департаменті директорының орынбасары болған
