Жалағашта көлік ұрлағандар ұсталды
Kyzylorda-news.kz. Қызылорда облысы Жалағаш ауданында «Lada Kalina» маркалы автокөлігін ұрлағандар ұсталды. Тәртіп сақшыларына көліктің ұрланғаны туралы ақпарат келіп түскен. Хабарламадан соң полиция қызметкерлері дереу іздестіру шараларын бастап кетті. Нәтижесінде тас жол бойында жаяу кетіп бара жатқан екі азамат анықталды.
«Олар заңсыз айдап кеткен автокөлікті жасыру мақсатында жол жиегіне шығарып қойған. Күдікті ретінде Жалағаш кентінің 31 және 39 жастағы екі тұрғыны қолға түсті. Олар Жалағаш ауданының полиция бөліміне жеткізілді. Айғақ зат ретінде алынған автокөлік айып тұрағына қойылды. Тергеу жүріп жатыр», - деді Қызылорда облысы Полиция департаментінің баспасөз қызметі.
