СЕНАТОРЛАР ҚҰҚЫҚ ҚОРҒАУ ОРТАЛЫҒЫНЫҢ ЖҰМЫСЫМЕН ТАНЫСТЫ
Бүгін ҚР Парламенті Сенаты төрағасының орынбасары Бектас Бекназаров, ҚР Парламенті Сенатының депутаттары Бекмырза Еламанов пен Мұрат Бақтиярұлы өңірімізге жұмыс сапары барысында құқық қорғау қызметтері орталығының жұмысымен танысты.
Облыс прокуроры Халидолла Дауешов пен қала әкімі Нұрлыбек Нәлібаев қонақтарға орталық жайлы кеңінен айтып, басты мақсат – жергілікті атқарушы және құқық қорғау органдарының халыққа қажетті кешенін заңды және құқықтық қызметтердің ашықтығын қамтамасыз ету екендігін жеткізді.
– Орталық «бір терезе» қағидаты бойынша арнайы орындармен және қажетті материалдық-техникалық құралдармен қамтамасыз етілген. Мұнда жеке және заңды тұлғалар мен кәсіпкерлер прокуратура, ішкі істер, әділет органдары, әкімдік қызметкерлерінен, адвокаттардан, медиаторлардан қажетті кеңестер ала алады, – деді облыс прокуроры Х.Дауешов.
«СБ»
