КІТАП ӘЛЕМГЕ ЖОЛ АШАДЫ
Ә. Тәжібаев атындағы облыстық ғылыми-әмбебап кітапхана мамандары №101 Ә.Мүсілімов атындағы мектеп-лицейде «Үлкен әлемге жол ашатын кітап» атты библиодесант өткізді.
Білім ошағының 4 сынып оқушылары қатысқан шарада кітапханашылар адам өмірінде кітапхана мен кітаптың алатын орны, кітаптан, журналдан, энциклопедиядан оқып білуге болатын қызықты оқиғалар жайлы айтты. Оқушылар кітап жайлы өлеңдер оқыды, оқыған кітаптан алған әсері жайлы пікірлесті.
Шара соңында «Кім көп біледі?» танымдық викториналық ойын ұйымдастырылды. Қатысушылар танымдық энциклопедиялармен, әлем елдері мен таңғажайыптар туралы түрлі-түсті безендірілген кітаптармен танысты.
