КІТАПХАНАДА КӨРМЕ-ВИКТОРИНА ӨТІП ЖАТЫР
Үстіміздегі жылдың 10 қаңтарынан бастап Ә.Тәжібаев атындағы облыстық әмбебап ғылыми кітапханасында ақылды, білімпаз балалар мен жасөспірімдерге арналған «Сен білесің бе?» атты көрме викторина өткізілуде.
Балалар мен жасөспірімдердің шығармашылық қабілетін дамыту, білім қөкжиегін кеңейту, өз ойларын еркін жеткізуге баулу, білімге құштарлығын арттыру, қойылған сұрақтарға нақты жауап беру дағдыларын қалыптастыруды көздеген көрме 15 наурызға дейін жалғасады.
Жуырда интеллектуалды викторинаға №198 мектептің тарих пәнінің оқытушысы Венера Чекучинаның басшылығымен 5а, 6б, 6в және 7в сынып оқушылары қатысты. Олар үш бөлім бойынша ұйымдастырылған сауалдарға кітаптардың көмегімен жауап берді.
