Елімізде коронавирустан әскери қызметкер қайтыс болды
Kyzylorda-news.kz. Қазақстанда COVID-19 инфекциясынан тағы бір адам қайтыс болды. Бұл жолы қайғылы жағдайдан Маңғыстауда әскери қызметкер көз жұмды, деп хабарлады өңірдің бас санитар дәрігері Ерғали Сыдыманов.Оның айтуынша, облыста коронавирустан алғаш көз жұмған адам Мұнайлы ауданы Батыр ауылының 40 жастағы тұрғыны. Марқұм – әскери адам болған.
Ол Ақтауда көшелерді дезинфекциялау жұмысына қатысқан.
«20 сәуірде ер адам жедел жәрдем шақырды, қызуы көтеріліп, тамағы ауырыды. Ол рентгенге түсіп, пневмония бар екенін анықтады. Жедел жәрдемге жүгінбес бұрын ол бір апта үйде ауырып жатқан. Айтпақшы, ер адам коронавирусқа екі рет тексерілген. Біріншісі теріс, екіншісі оң нәтиже көрсетті. Ер адам осы аймақтың әскери бөлімдерінің бірінде қызмет етті. Төтенше жағдай кезінде ол Ақтау қаласын өңдейтін дезинфекциялық топқа тартылды. Үйленген, бес баланың әкесі. Қазір онымен байланысқан адамдардың барлығы карантинде», – деді Ерғали Сыдыманов.
Облыстың бас дәрігері қайтыс болған науқаспен байланыста 683 адам, тығыз байланыста 161 адам және ықтимал байланыста 522 адам болғанын айтты.
