ҚАЖ қызметкері: «Нағашы атама еліктеп өстім»
Kyzylorda-news.kz. Қызылорда облысы бойынша ҚАЖ департаментіне қарасты ЗК-169/4 мекемесінде бақылаушы болып жұмыс жасайтын әділет кіші сержанты Нүркен Несіпбаев өзінің азаматтық тұлғасын қалыптастыруда соғыстағы нағашы атасының ерлігін мақтан тұтады.Нүркеннің нағашы атасы Абдулла Дүрұлы Ұлы Отан соғысы жылдары санитарлық бөлімге жаралыларды тасыпты. Манчужирия шекарасында күзетте болып, елге 1949 жылы оралған.
«Менің атам талай боздақтардың оқ пен оттың ортасында жүріп, Отан үшін көрсеткен ерлігін, өрлігін дастан етіп айтып отыратын. Кейде ол кісі «бүгінгі жастар тоқшылықтың қадірін, бейбіт күн оңайлықпен келмегендігін жете түсіне бермейді» дейтін. Ер азаматтың басты парызы – Отанын қорғау. Осындай тәлімді әңгімелерді тыңдап өскен ер азамат ретінде, ең алдымен елге қызмет ету керектігі менің санамда берік қалыптасқан. Мен нағашы атама еліктеп өстім», – дейді Н. Несіпбаев.
