Қызылорда қаласында көктемгі егін жұмыстары жалғасуда
Kyzylorda-news.kz. Биылғы жылы Қызылорда қаласы бойынша 7395 гектар жерге ауыл шаруашылық дақылдарын орналастыру межеленген.Оның ішінде қазіргі таңда барлығы 4621 гектары яғни 62,4 пайызы егілді. Атап айтар болсақ, 2742 гектар күріш, 863 гектар ерте көктемде егілген дақылдар, 1016 гектар жерге ескі жоңышқа егілді.
Ерте көктемде егілетін дақылдар бойынша жаздық бидай 292 гектар, жаздық арпа 20 гектар, сұлы 5 гектар, мақсары 40 гектар, жаңа жоңышқалар 356 гектар, сорго 80 гектар және күздік бидай 70 гектар жерге орналастырылды.
Қазіргі таңда күріш егу жұмыстары басталып, бүгінгі күнге барлығы 2742 гектар жерге тұқым себіліп, 2584 гектары суға бастырылды. Қалада күріш егу жұмыстары жалғасуда.
