COVID-19: Симптомды 13, симптомсыз 6 жағдай анықталды
Kyzylorda-news.kz. Қызылорда облысында коронавирус инфекциясымен тіркелген симптомды науқастар саны – 484, ал сипмтомсыз-73 азамат. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасының басшысы Жақсылық Абдусаметов мәлімдеді.«Соңғы тәулікте 19 дерек тіркелді. Симптомды жаңа жағдайдың 3-еуі қарым-қатынас арқылы, 10-ы емхана мен аурухана скринингінен, ал симптомсыз 6 жағдайдың 2-еуі ақылы тест сынамасынан, 4-еуі скринингтен анықталды»,- деді бас дәрігер.
Сондай-ақ, вирус жұқтырғандармен байланыста болған- 5445 азамат анықталды. Оның ішінде, 3271-і тікелей қарым-қатынаста, 2174-і жанама байланыста болған.
Мұнан өзге, індеттен айығып шыққандар саны 309-ға жетті. Соңғы тәулікте 5 науқас емделіп шықты.
Құрметті облыс тұрғындары, сақтық шараларын қатаң сақтап және бетперде киюді жалғастыра беруге шақырамыз.
