Сыр Медиа

Kyzylorda-news.kz. Ағымдағы жылдың 1-ші тоқсанында ҚР медициналық ұйымдарда 60 млн-нан астам консультативті-диагностикалық қызмет көрсетілді. Өткен жылдың 3 айында бұл көрсеткіш шамамен 40 млн-ды құрады.

Көрсеткіштің өсуі 44%-ды құрады. Ұсынылған қызметтер үшін ӘМСҚ медициналық ұйымдарға 59 млрд. теңгеден астам қаражат бөлді. Қаржыландыру 105%-ға артты. Қорда консультациялық-диагностикалық көмекке диагностикалық және зертханалық зерттеулер жүргізу қызметтері, емханаларда қабылдаулар, КТ/МРТ және т. б. кіреді деп түсіндірді.

Қызметтер бөлінісінде емханалардағы қабылдаулар 18,3 млрд теңгеге, зертханалық зерттеулер – 18,1 млрд теңгеге, КТ/МРТ – 8,4 млрд теңгеге, диагностикалық зерттеулер – 3,4 млрд теңгеге қаржыландырылды.

«Көрсеткіштердің өсуі медициналық көмектің қол жетімділігі мен сапасын арттыру мақсатында 2020 жылы бірқатар медициналық қызметтердің, оның ішінде консультациялық-диагностикалық қызметтердің, қаржыландыруы ұлғайтылғандығына байланысты», - деп мәлім етті ӘМСҚ баспасөз қызметі.