Сыр Медиа

    Салауатты өмір салтын қалыптастыру, шылым шегу, нашақорлық, алкогольды заттарға тәуелділікпен күресті күшейту мақсатында  ҚР Ішкі істер министрлігі Төтенше жағдайлар комитеті «Оңтүстік өңірлік аэроұтқыр жедел құтқару жасағы» ММ-де «Алкогольды тұтыну салдары және маскүнемдік» атты семинар өткізілді.

           Шараның негізгі мақсаты - наркологиялық орталық мамандарымен бірлесе отырып құтқарушылар арасында салауатты өмір салтын кеңінен насихаттау.

          Семинарға жасақтың жеке құрамы, «Облыстық жастар денсаулық орталығының» валеологы Гулдана Алмурзаева, Қызылорда облыстық наркология орталығының дәрігер-маманы Гүлсім Жакибаева мен салауатты өмір салтын қалыптастыру орталығының дәрігер-маманы Индира Болатбекова қатысты.  

           Семинар барысында жеке құраммен сұрақ-жауап, пікірталас түрінде тақырып кеңінен ашылды. Бұған қоса, агитациялық үнпарақтар мен брошюралар таратылды.

          Медициналық-психологиялық бөлімінің медбике-құтқарушысы Жанат Сатыбалдиева шараны қорытындылап, барлық қатысушылар мен қонақтарға алғысын білдірді.