Сыр Медиа

Kyzylorda-news.kz. Су айдындарындағы рейдтік іс-шаралар Шиелі ауданына қарасты Бәйгеқұм елді мекенінде орналасқан "ХАНҚОЖА" көлінде жалғасты.

Аталған іс-шараға Шиелі ауданы азаматтық қорғау гарнизонының қызметкерлері, Қызылорда облысы Төтенше жағдайлар департаменті "Өрт Сөндіру және авариялық - құтқару жұмыстары қызметі" ММ " Жедел құтқару жасағы" қызметкерлері және Қызылорда облысы бойынша көліктік бақылау инспекциясының су көлігіндегі бақылау бөлімінің басшысы А. Қожаниязова қатысып, өз кезегінде қайық, катамаран, маторлы қайықтарды жүргізу кезіндегі ережелерді түсіндірді.

Демалушылар арасында жеке құтқару құралдарын дұрыс пайдаланбағандардың ҚР ӘҚБтК-і бойынша әкімшілік жауапкершіліктері қаралды. Сондай-ақ қызметкерлер тұрғындарға су айдындарындағы қауіпсіздік ережелері жайлы түсіндірме жұмыстарын жүргізді.

Сонымен қатар, арнайы дайындалған 400-ден аса үнпарақтар таратылды.