27 маусым: Атаулы күндер мен оқиғалар
Өзбекстанда баспасөз және бұқаралық ақпарат құралдары қызметкерлерінің күні1994 жылдан бері жыл сайын атап өтіліп келеді.
1941 жылы «Барбаросса» операциясының аясында Екінші дүниежүзілік соғыс барысында Венгрия КСРО-ға соғыс жариялады.
2011 жылы Қазақстан Республикасының Ислам Конференциясы Ұйымына төрағалық етуіне арналған номиналдық құны 1000 теңгелік ескерткіш банкнота шықты.
2011 жылы Мемлекет басшысы жұмыссыздарды әлеуметтік қамтамасыз етуге және әлеуметтік қорғауға мемлекеттік кепілдемелер жүйесін жетілдіруге бағытталған «Қазақстан Республикасының жұмыспен қамту және халықты әлеуметтік қорғау мәселелері жөніндегі кейбір заңнамалық актілеріне өзгерістер мен толықтырулар енгізу туралы» ҚР Заңына қол қойды.
2012 жылы Ақтөбе маңында алғаш рет ежелгі темір ғасыры кезеңіндегі бірегей қорған табылды.
2014 жылы Қазақстан Тұңғыш Президенті – Елбасы Н.Назарбаев кәсіподақ жұмысын жаңғыртуға, оның қызметін жақсартуға бағытталған «Кәсіптік одақтар туралы» Заңға қол қойды.
