31 наурыз: Оқиғалар мен атаулы күндер
1995 жылы «Қазпошта» әлемдік мәдениет қайраткерлері мен ұлы Абайдың (Ибраһим) 150 жылдығына арналған пошталық маркаларды шығарды.1998 жылы Қазақстан президенті Н.Ә.Назарбаевтың қолдауымен Қазақ ұлттық музыка академиясы (ҚазҰМА) құрылды.
2004 жылы «ҚазМұнайГаз» Барлау Өңдеу» АҚ құрылды.
2011 жылы Алматы қаласының маңында режиссер Ақан Сатаевтың «Жаужүрек мың бала» фильмінің түсірілімі басталды.
2014 жылы Мемлекет басшысы халықты әлеуметтік қамсыздандыру және әлеуметтік қолдау жүйесін жетілдіруге бағытталған «Қазақстан Республикасының кейбір заңнамалық актілеріне әлеуметтік қамсыздандыру мәселелері бойынша өзгерістер енгізу туралы» Қазақстан Республикасының Заңына қол қойды.
2015 жылы Алматыда «Ғылым ордасы» ғылыми кітапханасында «Қазақ хандығына - 550 жыл» көрмесінің ашылуы өтті.
2016 жылы Мемлекет басшысы Н.Ә.Назарбаевтың қатысуымен Вашингтон қаласында Ядролық қауіпсіздік жөніндегі саммит барысында Қазақстан мен АҚШ-тың ядролық қауіпсіздік және таратпау саласындағы ынтымақтастық туралы бірлескен мәлімдемесі қабылданды.
