Сыр Медиа

Kyzylorda-news.kz. Коронавирус инфекциясының алдын алу және оның таралуын болдырмау бағытында Сырдария ауданы бойынша залалсыздандыру жұмыстары тұрақты жүргізілуде.

Кент және барлық ауылдық округте сақтық шаралары жүргізіліп, адам көп шоғырланатын орындарға дизенфекция жасалуда. Залалсыздандыру ерітіндісі бар жиынтықпен жабдықталған мамандар халыққа қызмет көрсету орталықтарын, сауда орындарын және басқа да әлеуметтік нысандарға санитарлық тазалау жұмыстарын жүргізуде.

Бүгінде аудан бойынша қоғамдық орындардың қауіпсіздігі жіті бақылануда. Жалпы ауданда залалсыздандыру жұмысы қарқынды іске асырылуда.