ШЕТЕЛДІК ҚР КӨШІ-ҚОН САЛАСЫНДАҒЫ ЗАҢНАМАСЫН БҰЗҒАН
Байқоңыр қалалық сотында әкімшілік іс қаралды.
Іс құжаттарына сәйкес, Қырғызстан азаматшасы тіркеу кезіндегі көші-қон карточкасында көрсетілген мерзім өткеннен кейін үш тәуліктен асатын кезең ішінде Қазақстан Республикасынан кетуден жалтарған.
Аталған әрекеті арқылы құқық бұзушы Қазақстан Республикасының халықтың көші-қоны саласындағы заңнамасын бұзған.
Сот процесінде құқық бұзушы кінәсін мойындап, бұл әрекетін қызының сабақта болуымен байланысты екенін түсіндірді.
Сот, құқық бұзушыны ҚР ӘҚБтК-нің 517-бабының 4-бөлігімен кінәлі деп танып, 15 АЕК мөлшерінде 28 860 теңге әкiмшiлiк айыппұл салуға қаулы етті.
Қаулы заңды күшіне енбеген.
Байқоңыр қалалық сотының баспасөз қызметі
