Қызылордада модульдік жұқпалы аурулар ауруханасының құрылысы аяқталуда
Kyzylorda-news.kz. Қызылорда облысында коронавирус бойынша эпидемиологиялық жағдай тұрақты. Штаттық режимде медициналық ұйымдар жұмыс істеуде. 3500 медицина қызметкерінен тұратын резерв құрылды.Облыс орталығында 200 орындық модульді жұқпалы аурулар ауруханасы, облыстық көпбейінді және Қазалы ауданаралық ауруханаларында оттегі станциялары салынуда.
Облыстық денсаулық сақтау басқармасының басшысы Сәбит Пазыловтың айтуынша, модульдік жұқпалы аурулар ауруханасының құрылысы жақын арада аяқталады. Онда науқастарды емдеу үшін барлық жағдай жасалады.
Сонымен қатар, жыл басынан бері өңірде өкпені жасанды желдету аппараттарының саны 76-дан 244-ке дейін артты. Облыста эпиджағдай ушыққан жағдайда 3000 төсектік 21 инфекциялық және провизорлық стационар қайта ашылады. Сонымен қатар, жергілікті бюджет есебінен 4 флюорографиялық және 6 стационарлық рентген аппараттарын сатып алу жоспарлануда.
