Қызылордалық полицейлер 102 жастағы кейуананы құттықтады
Kyzylorda-news.kz. Жаңа жылдың алғашқы күнінде Қызылорда облысы Полиция департаменті Жалағаш аудандық полиция бөлімінің қызметкерлері 102 жастағы қарт тұрғын Батти Аманбаеваны құттықтады.Батти әжей отбасымен Жалағаш ауданы, Еңбек ауылында тұрады. Ол 7 баланы дүниеге әкеліп, қазіргі таңда олардың үшеуі үлкен әулетке айналған.
Бүгінгі күні қарт ананың 21 немересі, 38 шөбересі және 12 шөпшегі бар.
Өткен жылы Батти Аманбаеваға Жалағаш ауданының Құрметті азаматы атағы берілді.
Ғасыр жасаған әже жаңа жасымен құттықтап келген полиция қызметкерлеріне алғыс айтып, оларға ақ батасын берді.
