ҚЫЗЫЛОРДАДА «ҚАУІПСІЗ ЖОЛ» ЖЕДЕЛ ПРОФИЛАКТИКАЛЫҚ ІС-ШАРАСЫ БАСТАЛДЫ
Кеше, 19 ақпанда қоғамдық тәртіпті сақтау, жол қозғалысы қауіпсіздігін қамтамасыз ету, жол-көлік оқиғаларын болдырмау, жол қозғалысы ережелерін өрескел бұзу деректерінің алдын алу мақсатында облыс көлемінде «Қауіпсіз жол» жедел-профилактикалық іс-шарасы басталды. Аталған шара 2018 жылдың 19-21 ақпан аралығында жүргізілетін болады.
Қызылорда ОІІД баспасөз қызметінің хабарлауынша «Қауіпсіз жол» жедел алдын алу шарасы аясында жол-көлік оқиғаларының артуына септігін тигізетін жол қозғалысы ережелерін өрескел бұзу жағдайларын анықталады. Автокөлік жүргізушілерінің жаяу жүргіншілерге жол бермеу деректерінің алдын алып, профилактикалық бағыттағы жұмыстарды барынша жандандыруға және жолын кесуге бағытталған бірқатар рейдтік шаралар өткізу жоспарлануда.
Аталған іс-шараға Жергілікті полиция қызметінің қызметкерлері түгелдей жұмылдырылды.
