Сыр Медиа

    Қызылорда облысы көлемінде осы жылғдың 22 қаңтары мен 18 ақпан күндері аралығында «АВТОБУС» жедел-профилактикалық іс-шарасы өткізілуде. Шараның алғашқы он күндігінде 539 әкімшілік құқық бұзушылық анықталды. Оның ішінде ҚР ӘҚБтК-нің 590.9-бабымен (көлік құралдарын пайдалану қағидаларын бұзу) мемлекеттік немесе міндетті техникалық қарап-тексеруден өтпеген 36 автокөлік, жылдамдықты шамадан  асырғаны үшін 33 автокөлік, тиісті рұқсатсыз қайта жабдықталған көлік құралын басқарған 8 автокөлік жүргізушісі әкімшілік жауапкершілікке тартылды. Сонымен қатар, құжаттары жоқ және басқару құқығы жоқ адамның көлік құралын басқарудың 24 дерегі, рейс алдындағы медициналық қарап-тексеруден өтпеген жүргізушінің басқаруына рұқсат берудің 1 дерегі тіркеліп, ҚР ӘҚБтК-нің 608-бабына сәйкес көлік құралын масаң күйде басқарғаны үшін 2 жүргізуші автокөлік жүргізу құқығынан айырылды.

    Атап өтерлік жайт, аталған іс-шара Көліктік бақылау инспекциясының қызметкерлерімен бірлесіп өткізілуде. Жедел шара көлік құралын пайдалану қағидаларын бұзу, оның ішінде тиісті рұқсатсыз қайта жабдықталған көлік құралын басқару, сондай-ақ рейс алдындағы техникалық қарап-тексеруден өтпеген автокөлік құралдарын пайдалануға шығарып, белгіленген жол қозғалысы қауіпсіздігі талаптарының бұзылуына жол берілген деректерді анықтауға бағытталып отыр.