АЗАМАТТАРДЫ ҚАЙТА ДАЯРЛАУҒА БАСА МӘН БЕРІЛУДЕ
Биыл мамыр айында облыс әкімдігі мен аймақтағы 18 ірі және орта кәсіпорындар арасында «Жұмыстан қысқартылатын азаматтардың қайта даярлануын және басқа салаларға жұмыспен қамтылуын қамтамасыз ету жол картасы» қабылданған.
Сонымен қатар, облыс көлемінде орналасқан барлық кәсіпорын мен шаруашылық субъектілердегі жұмыс берушілер, кәсіподақтар өкілдерімен бірлесе отырып, әлеуметтік шиеленістің алдын-алу және штат санын қысқартпау, жұмыс орнын сақтау мақсатында тиісті жұмыстар жүргізілуде. Бұл туралы облыстық жұмыспен қамтуды үйлестіру және әлеуметтік бағдарламалар басқармасының 9 айлық есебінде айтылды.
Жыл басынан 271 адам 21 мекеме, кәсіпорындардан (оның ішінде Байқоңыр қаласы бойынша 228 адам) жұмыстан қысқартылды. Осылардың ішінен 13 адам жұмыспен қамтылды, 83 адам жұмыспен қамту орталықтарында тіркеліп, олардың 13-не жұмысынан айырылуына байланысты жәрдемақы төленуде, құрамында 132 адамы бар 32 отбасы солтүстік өңірлерге қоныс аударды.
