Есірткі өсірген Жалағаш ауданының тұрғыны ұсталды
Kyzylorda-news.kz. Жалағаш ауданында «Қарасора-2021» жедел профилактикалық іс-шарасы барысында 20 шілде күні өз үйінің ауласында 15 түп сора өсірген аудан тұрғыны ұсталды.Полиция қызметкерлері оқиға орнынан сора және оны баптап өсіруге арналған құрал-саймандарды айғақ зат ретінде тәркіледі.
«Бұл дерек бойынша Қазақстан Республикасының Қылмыстық кодексінің 300-бабының 1-бөлігімен сотқа дейінгі тергеп-тексеру амалдары басталды. Оқиғаның мән-жайы анықталуда», – делінген полиция департаментінің хабарламасында.
