ҚЫЗЫЛОРДА ОБЛЫСЫНЫҢ КЕЙ ЖЕРЛЕРІНДЕ КӨКТАЙҒАҚ БОЛАДЫ
«Қазгидромет» РМК 26 ақпанға арналған ауа райы болжамын ұсынады, деп хабарлайды ҚазАқпарат.
Атмосфералық ауа ағындардың өтуіне байланысты Қазақстанның басым бөлігінде тұрақсыз ауа райы сақталады, тек республиканың оңтүстік-шығысында, орталығында және шығысында жауын-шашынсыз ауа райы күтіледі.
Елдің кей жерлерінде жел күшейеді, жаяу бұрқасын соғып, батысында, оңтүстігінде және оңтүстік-шығысында көктайғақ болады.
Республиканың басым бөлігінде тұман сақталады. Алматы, Жамбыл, Оңтүстік Қазақстан, Қызылорда облыстарының кей жерлерінде тұман түсіп, желдің жылдамдығы 25 м/с күшейеді. Жамбыл, Атырау, Қызылорда облыстарының кей жерлерінде көктайғақ болады.
Ақтөбе, Ақмола, Батыс Қазақстан, Қостанай, Маңғыстау, Солтүстік Қазақстан, Павлодар, Қарағанды, Шығыс Қазақстан облыстарының кей жерлерінде тұман болып, бұрқасын болуы ықтимал.
