Қызылордада тыйым салынған өсімдікті заңсыз өсірген тұрғын ұсталды
Kyzylorda-news.kz. Қызылордалық полицейлер тыйым салынған өсімдікті заңсыз өсірген тұрғынды ұстадыҚызылорда қалалық Полиция басқармасының Ақсай полиция бөлімінің қызметкерлері «Қарасора-2021» жедел-профилактикалық іс-шарасы аясында қала аумағындағы құрамында есірткі бар өсімдіктерді өсіру, өңдеу, өткізу, олардың жабайы өсу деректерін анықтап жою мақсатында аула аралық және үй аралық қарау жұмыстары жүргізілуде.
Іс-шара нәтижесінде бау-бақшалар мен үй-жайларда есірткі тұқымдас өсімдіктерді өсірудің дерегі анықталды.
Нақтырақ айтқанда, 32 жастағы қала тұрғынының жеке үйінің ауласында, 4 түп сораға ұқсас жасыл түсті хош иісті шөп тәріздес өсімдігін өсіріп тұрғаны анықталып, айғақ зат ретінде алынып, сараптама тағайындалды. Сараптама қортындысы бойынша жалпы салмағы 5 кг 548,12 гр сора өсімдігі екені анықталды.
Аталған дерек бойынша Қазақстан Республикасының Қылмыстық кодекстің 300-бабы 1-бөлігімен “Құрамында есірткі заттар бар, өсіруге тыйым салынған өсімдіктерді заңсыз егіп-өсіру” бойынша сотқа дейінгі тергеп-тексеру жүргізіліп жатыр.
