Сыр Медиа

    Қаладағы №4 С.Сейфуллин атындағы  қазақ орта мектебінде Елбасының «Болашаққа бағдар: рухани жаңғыру» бағдарламалық мақаласындағы алты басым бағыттарды кеңінен түсіндіру мақсатында қала мектептері директорларының тәрбие ісі жөніндегі орынбасарларына «Рухани жаңғыру» бағдарламасы арқылы оқушыларды әлеуметтік маңызы бар іс-әрекеттерге машықтандыру» актив оқуы өткізілді. Бұл туралы «Рухани жаңғыру» орталығы хабарлады.

    Оқу барысында ұлттық қол өнер бұйымдарының және робототехника бұйымдарының көрмесі қойылды.

    Көрмеден кейін қатысушыларға  «Рухани жаңғыру» өңірлік жобалық басқару офисінің «Тәрбие және білім» бөлімінің басшысы Әлима Әбдіхалықова бағдарламалық мақаланың жалпы идеологиясын «Ұлттық сана» тұрғысында түсіндірді. Мұнан кейін қатысушылар «Бәсекеге қабілет», «Білімнің салтанат құруы», «Прагматизм» басым бағыттар бойынша секцияларға бөлініп семинар-тренингке  қатысты.

    Шара соңы пленарлық отырыспен қорытындыланды.