Ерлан Қиясов COVID-19 шектеуінің қашан алынатынын айтты
Kyzylorda-news.kz. Депутаттар тағы да Денсаулық сақтау министрлігін сынға алды. «Ақ жол» партиясының өкілдері вакцинациялау науқанының бұзылуына кінәлілердің жазалануын талап етті, деп хабарлайды «КТК».
Қыркүйек айының соңына дейін жоспарланған 10 миллион адам әлі күнге дейін екпе алмаған. Бұдан бөлек шенеуніктерге Денсаулық сақтау министрлігі вакцинацияланған халықтың пайызын Қазақстанда тұратын азаматтардың жалпы санынан емес деп санайтыны ұнамайды.
«Денсаулық сақтау министрлігі хабарлаған «вакцинацияға тиістілердің» 60-70%-ының қазіргі вакцинация көрсеткіштері оптимисті емес. Халықтың жалпы үлесінің 34,2% құрайды. Яғни 19 миллион халықтың 6,5 миллионы толық екпе салдырған. Бұл дегеніміз Қазақстан ұжымдық иммунитет деңгейінен әлі де төмен деген сөз», – дейді ҚР Парламент мәжілісінің депутаты Ғани Хамзин.
Үкімет отырысында Алексей Цойдың баяндамасынан алынған слайд халық қалаулыларына ұнамады. Бұл жерде вакцинацияланған халықтың пайызы өте оптимистік көрінеді – шамамен 65.
Бірақ қалай болғанда да Қазақстанда әлі де вакцинацияланған адамдар тым аз. Осы себепті карантинді де билік өкілдері тоқтатпайды. Барлық тыйымдарды қандай жағдайларда алып тастауға болады және неге ол өзімізге байланысты? Бұл сұрақтарға Қазақстанның бас санитарлық дәрігері Ерлан Қиясов жауап берді.
«Біз бұның үлкен жауапкершілік екенін түсінеміз. Шешімдер аяқ астынан шықпайды. Біз алдын ала талдау жасаймыз, мамандардың өте үлкен тобы қазіргі жағдайды зерттеу үшін жұмыс жасайды. Барлық тәуекелдерді таразылаймыз», – деді Ерлан Қиясов.
Бас дәрігер елімізде барлық шектеулер қандай жағдайда алынатынын айтты.
«Кем дегенде, ауру статистикасы айтарлықтай төмендеуі керек. Мүмкіндігінше халықтың вакцинациямен қамтылуын қамтамасыз етуіміз қажет. Жалпы халықтың 60% дейін вакцинациялау. 11 миллионнан астамы біздің жоспарымызда тұр. Біз қазір күтудеміз, негізінен топтарды кеңейтетін вакциналарды жеткізу туралы алдын ала келісімдер жүргізілген. Біз бірнеше рет балаларды вакцинамен қамту жөніндегі жоспарларымызды жариялаған болатынбыз. Олар ата-анасы мен қамқоршылары өздерінің тілектері мен келісімдерін білдіретін балалар», – деп қосты ол.
Бұл жерде бас дәрігер төртінші тоқсанда жеткізілетін Pfizer вакцинасы туралы айтып отыр. Бұған дейін препаратты қазан айында жеткізуге болатыны туралы хабарланған, бірақ әлі нақты мерзімі айтылған жоқ.
Бірақ азаматтардың жекелеген санаттарына міндетті вакцинациялау мерзімі әлдеқашан аяқталған. Ерлан Қиясов неге екпе жұмыстарын тексеру басталмағанын және салынатын айыппұл жөнінде айтты.
«Біздің басты міндет – жаза емес. Біз үшін ең бастысы – бизнес үшін, белгілі бір кәсіпорындар қызметкерлерінің қауіпсіздігі үшін қолайлы жағдай жасау. Біз қазір көптеген адамдар бұл тексерулерді күтіп отырғанын түсінеміз. Бірақ мен тағы да қайталаймын, бұл біздің мақсат емес. Санитарлық ережелерге сәйкес өзгерістер енгізілуде», – деп түсіндірген бас дәрігер тексеру жұмыстары жөнінде қосып өтті. – Тексерулер жүргізілетін болады. Біз бизнес өкілдеріне өз қызметкерлеріне вакцинациямен мүмкіндігінше көбірек айналысуға мүмкіндік беру үшін қысқаша үзіліс жасап, мүмкіндік береміз, – деді ол.
Сонымен бірге Ерлан Қиясов вакцинация паспортын сатып алғандар жөнінде тоқталып өтті.
«Адамның өзі былайша айтқанда Ішкі істер департаментіне өзі келіп мойындайтын кездер болады. Бұл сирек болатын жағдай шығар, бірақ, негізінен, бұл жолды таңдауға болады. Бірақ бұл тиісті заңнамалық негіздеуді қажет етеді», – деді бас дәрігер.
Сөзінің соңында ол қайта вакцинациялау туралы айтып берді.
«Бұл мәселе енді иммундау жөніндегі комиссияның қарауына жіберілді. Олар бүкіләлемдік тәжірибені зерттейді. ДДҰ ұстанымы, мысалы, ревакцинация жолына түскен елдерді қолдамауы мүмкін. Нақтырақ шешімдер жақын арада қабылданатын болады», – деді еліміздің бас дәрігері.
Осы аптада QazVac вакцинасы коронавирустың дельта штаммына қарсы шығаратыны туралы белгілі болды. Препараттың 750 мың доза көлеміндегі жаңартылған нұсқасы қазан айында вакцинациялау орталықтарына жіберіледі.
