Қызылордада 6 спорт кешенінің құрылысы жалғасуда
Kyzylorda-news.kz. Бұқаралық спортты дамыту мақсатында Қызылорда облысында 7 спорт кешені пайдалануға берілген.
Аймақ басшысының айтуынша, қазіргі таңда 6 спорт кешенінің құрылысы жалғасуда.
«Мемлекет басшысының тапсырмасына сәйкес облыста 2156 баланы қамтитын мемлекеттік спорттық тапсырысты қаржыландыруды 2021 жылғы 212 млн. теңгеден келесі жылы 4312 балалар үшін 638 млн. теңгеге ұлғайтуды жоспарлап отырмыз. Биыл Қазақстан Олимпиада құрамасының ту ұстаушысы, боксшы Қамшыбек Қоңқабаев қола жүлдегер атанды», – деді Гүлшара Наушақызы.
Сыр спортшылары Әлем және Азия чемпионаттарында 66 медаль (24 алтын, 9 күміс, 33 қола), республика чемпионаттары мен кубоктарында 851 медаль (270 алтын, 245 күміс, 336 қола) жеңіп алды.
