НЫҚ СЕНІМ, ЖАҢА МІНДЕТ
«Теміржол» партия филиалының төрағасының бірінші орынбасары Базара Танбаевамен бірге ақпараттық насихат тобы «Белгі беру және байланыс дистанциясы» еңбек ұжымымен Елбасы Жолдауын жүзеге асыруын талқылауда кездесу өткізді.
Спикер ретінде ақпараттық насихат топ мүшелері жаһандық бәсекелестіктің өсуі және әлемдегі тұрақсыздық жағдайында ел экономикасы мен халықтың әл-ауқатын төмендетпей, заманның жаңа үдерісіне сай дамудың даңғыл жолына түсуді бағдарлайтын Жолдауда экономиканы жаппай цифрландыруға, ІТ саласын дамытуға, өнеркәсіп, көлік пен логистика секторында жаңа индустриялар құруға бағытталған кешенді жұмыстары жайлы айтты.
Сонымен қатар кездесуде Елбасы Жолдаудағы бес басымдықтың әрбір басымдықта ел дамуының бағыт-бағдары айқындалып, жаңа мақсат-міндеттер жүктелгені жайлы ой –пікірлер алмасылды. Оның ішінде халқымыздың әлеуметтік-экономикалық дамуын көздейтін, мемлекетіміздің барлық саласына серпін беретін Жолдаудағы экономикалық бағыттың тағы да алынбаған белестері мен өсуі жайында айтылған бұл кездесуде Елбасының қойған тапсырмалары жоспарлы түрде орындауда, жоғарыда аталған талап төрінен көрінуге жұмыла қызмет етуде нық сеніммен жаңа міндеттерді жүзеге асыруға шақырды.
Ал еңбек ұжымы Елбасы Жолдауынан туындайтын міндеттер мен мүмкіндіктерді пайдалана отырып, жаңа әлемдегі, жаңа Қазақстанды құруда Отан үшін аянбай еңбек етеміз деп тарқасты.
