2022 жылы жеке және жүргізуші куәлігін алу қанша тұрады
Қазақстан Республикасының заңнамасына сәйкес айлық есептiк көрсеткiш жәрдемақы және басқа да әлеуметтiк төлем, сондай-ақ айыппұл, салық және өзге де төлемдердi есептеу үшiн қолданылады.
- Паспорт алу үшін төленетін мемлекеттік баж салығы – 8 АЕК немесе 24 504.
- Жеке куәлік – 0,2 АЕК немесе 613 теңге.
- Жүргізуші куәлігін алу үшін төленетін мемлекеттік баж салығы – 1,25 АЕК немесе 3 828 теңге.
- Ттуу туралы куәлік алу ақша төлеудің қажеті жоқ. Себебі бұл куәлік тегін беріледі. Алайда акт жазбасына өзгерту, толықтыру, түзету енгізу немесе оны қалпына келтіру үшін 0,5 АЕК, яғни 1 532 теңге төлеу қажет.
- Неке тіркеу үшін жас жұбайлар 1 АЕК немесе 3 063 теңге төлейді. Ал неке қию туралы куәлікті екінші рет алу үшін 0,5 АЕК, яғни 1 532 теңге қарастырылған.
- Ажырасуға арыз беру кезінде төленетін мемлекеттік баж салығының мөлшері – 2 АЕК немесе 6 126 теңге.
Ең төменгі күнкөріс деңгейі қандай
- Ең төменгі жалақы мөлшері – 60 000 теңге.
- Ең төменгі мемлекеттік базалық зейнетақы мөлшері – 19 450 теңге.
- Ең төменгі зейнетақы мөлшері – 46 302 теңге.
Базалық әлеуметтік төлемдерді есептеу үшін қажет ең төменгі күнкөріс деңгейі 2022 жылы 36 018 теңге мөлшерінде болады.
