ГЕННАДИЙ ГОЛОВКИН: КАНЕЛЛОНЫҢ ҚАНЫНАН ДОПИНГ ТАБЫЛУЫ - ҮЛКЕН МӘСЕЛЕ
Геннадий Головкин Канеллоның қанынан допинг іздерінің табылуы үлкен мәселе деп санайды, - деп хабарлайды ҚазАқпарат.
Қазақстандық боксшы Невададағы Спорт комиссиясы мүшелерін бұл мәселеге тиісінше назар аударып, қажетті шаралар қолдануға шақырды. «Екеуміз де кәсіпқой боксшымыз. Бұл (допинг) спорт үшін де біз үшін де үлкен проблема. Осыған көңілім толмайды»,- деді Головкин Los Angeles Times - Hoy Deportes бөліміне берген сұхбатында. Бұл оқиғаға қатысты Головкин мен Альварестің 5 мамырдағы жекпе-жегі тоқтатылмауы мүмкін. Альварес тарапы тыйым салынған препараттың боксшы жеген еттен келгенін айтып ақталып отыр. Альварестің мүддесін қорғайтын Golden Boy промоутерлік компаниясы боксшыдан алынған допинг сынамалардың бірінен тыйым салынған препарат - Кленбутерол табылғаны туралы ақпаратты растап отыр. Бұл мәліметті шетелдік ақпарат құралдары таратты.
Фото: Wally Skalij / Los Angeles Times
