ЛАТЫН ӘЛІПБИІНЕ КӨШУДІҢ МАҢЫЗДЫЛЫҒЫ
Әйтеке би кентіндегі Қ.Сәтбаев атындағы №216 орта мектепте Елбасының «Болашаққа бағдар: Рухани жаңғыру» атты мақаласындағы міндеттер аясында «Латын әліпбиі-мемлекеттік тіл тірегі» атты жиналыс өткізілді.
Жиналысқа мектеп мұғалімдері қатысты. Шарада мектеп директоры З.Жүсіп латын әліпбиінің маңыздылығына тоқталды.
Латын тілі- ғылым мен техниканың тілі. Латын әліпбиіне көшу –заман талабынан туындап отырған қажеттілік. Дүниежүзі халқының 80 пайызы қолданатын латын әліпбиіне көшу озық инновациялар мен технологияларға бір табан жақындатып, өркениетті елдермен байланысымызды жақсартып, мемлекеттік тілдің ұлттық бет-бедерін сақтап қалуға оң әсерін тигізеді. Латын әрпі түбі бір туыс түркі халықтарымен рухани-мәдени жақындасуының бірден-бір жолы.
Жиналыс барысында орыс тілі және әдебиеті пәнінің мұғалімі И.Есет, бастауыш сынып мұғалімі О.Медеубаева, мектеп кітапханашысы Ә.Қожагелдиева, әлеуметтік педагог С.Бурашев жаңа әліпбиге көшудің дұрыс шешім екенін қолдады.
